Vanaaf de 11e van de 11e is Radio Nónnevot weier in de lóch!
Loester oppe app, de website of via tune-in.
Download uch de vernuujde app en loester 24/7 live nao Radio Nónnevot. Hie vèndj geer alle podcasts, ’t lètste nuuts oet vastelaovend vierend Zitterd, de meis kómplete kalender mit alle evenemènte oet Zitterd. Én geer kènt bie de Alaaftrap ouch eur sjtöm oetbrènge op eur favoriete leidje. De definitieve wènner, en dus wènner van de Zittesje slager 2025, wurt via eur sjtöm in deze app besjlis! En dat dus alleney in dien vottetesj oppe tillefoon!
Loester vanaaf jannewarie nao de podcasts van SjErp & Ruig oppe vriedigaovend óm 19:00 en nao de Mega Maffe Vastelaovesmixe van Djacky oppe zaoterdigaovend óm 19:00.
Mer veer zalle dit jaor ouch ós opwachting make bie ’t Marotte jubilei in de Sjtadssjporthal van Zitterd.
Vènj ós sjtraks weier bie de ingeng van ’t Kanón van ’t Balkón en in de reklaamoptoch.
Wilt geer ós get vertèlle, eemes de groete doon of miste get in de app? Laot ’t ós weite! Via de app krigste direk kóntak mit de studio van Radio Nónnevot.
’t Team van Radio Nónnevot wunsj uch alleney eine goud begin van deze Vastelaovend. En dat doon veer door ein leidje in ein nuut jeske te sjtaeke. Laot uch verammezeiere en äöpen de link nao ’t äöpeningsfilmpke van alweier ’t 5e sezoen van Radio Nónnevot.